काठमाडौं। प्रधानमन्त्री सुशीला कार्कीले आज पशुपति पुगेर रूद्राभिषेक पूजा गर्नुभएको छ। प्रधानमन्त्रीको सचिवालयले दिएको जानकारीअनुसार ुप्रधानमन्त्री कार्कीले निर्वाचन शान्तिपूर्ण रूपमा सम्पन्न भएपछि आराध्यदेव पशुपतिनाथलाई धन्यवादस्वरुप उक्त पूजाु गर्नुभएको हो ।
मुलुकलाई शान्ति तथा स्थायित्वको मार्गमा अग्रसर गराउन सबैतर्फबाट साथ र सहयोग प्राप्त भएकोमा आफू कृतज्ञ रहेको भन्दै प्रधानमन्त्रीले आगामी दिनमा मुलुक थप उन्नतिको मार्गतर्फ अग्रसर होस् भनी कामना पनि गरेको सचिवालयको भनाइ छ। मुलुकभर सबै नेपालीबीच एकता, सद्भाव र आत्मीयताको भावना बलियो बन्दै जाओस् भनी उहाँले पुकारा गर्नुभएको थियो।
संकृति, पर्यटन तथा नागरिक उड्डयन मन्त्री अनिलकुमार सिन्हा, पशुपति क्षेत्र विकास कोषका सदस्य सचिव प्रकाशमणि शर्मा, कार्यकारी निर्देशक सुवास जोशीलगायत पनि उक्त अवसरमा सहभागी रहेको प्रधानमन्त्रीको सचिवालयको भनाइ छ। फागुन २१ गते प्रतिनिधि सभा निर्वाचन भएको थियो।
