काठमाडौं। बुधबार न्यायाधीश सुनीलकुमार पोखरेलको इजलासमा सर्वोच्च अदालतले रवीन्द्र मिश्र पक्राउका सम्बन्धमा कारण देखाऊ आदेश जारी गरेको छ । मिश्रको पक्राउ र हिरासतमा राख्न अनुमति दिने जिल्ला अदालत काठमाडौंको आदेशविरुद्धको बन्दी प्रत्यक्षीकरण रिटमा कारण देखाऊ आदेश जारी गरेको हो ।
सर्वोच्चले मिश्रसहित उपस्थित गराउन भनेको छ। राष्ट्रिय प्रजातन्त्र पार्टी (राप्रपा)का वरिष्ठ उपाध्यक्षसमेत रहेका मिश्रलाई सरकारले गैरकानुनी थुनामा राखिएको दाबी गरेर उनकी पत्नी सारिका कार्कीले बन्दी प्रत्यक्षीकरणको रिट दायर गरेकी थिइन्। मिश्र पक्राउको ४५औँ दिन मंगलबार दर्ता रिटमा थुनामुक्त गर्न आदेश माग गरिएको थियो ।
