काठमाडौं । एम्नेस्टी इन्टरनेशनल नेपालको अध्यक्षमा पुनः विपिन बुढाथोकी चयन भएका छन् ।
नवलपरासीको गैँडाकोटमा मंसिर २९ र ३० गते आयोजित ३३औं वार्षिक साधारण सभाले विपिन बुढाथोकीलाई सर्वसम्मत रूपमा दोस्रो कार्यकालका लागि अध्यक्षमा चयन गरेको हो ।
साधारण सभाले सन् २०२५ का लालि नयाँ मानवअधिकार कार्ययोजनासमेत तय गरेको छ ।
१५० भन्दा बढी प्रतिनिधिहरूको सहभागितामा सम्पन्न सभाले आर्थिक वर्ष २०८०/८१ को प्रतिवेदन पारित पनि गरेको छ ।
नवनिर्वाचित अध्यक्ष बिपिन बुढाथोकीले एम्नेस्टी नेपालको अभियानलाई अझ सशक्त मानवअधिकार आन्दोलनको रूपमा अगाडि बढाउने प्रतिबद्धता व्यक्त गरेका छन् ।
उद्घाटन सत्रमा प्रतिनिधि सभाका सदस्य गगनकुमार थापाले दक्षिण एसियामा नेपालको लोकतान्त्रिक मूल्य र मानवअधिकारको महत्त्वलाई जोड दिएका थिए ।
संस्थाका निर्देशक निराजन थपलियाले नयाँ नेतृत्व समावेशी र विविधतायुक्त रहेको बताए ।
