काठमाडौं । इंग्लिस क्लब साउथह्याम्पटनसँग २–१ ले पराजित भएपछि आर्सनल एफए कपबाट बाहिरिएको छ । शनिबार आर्सनल एफए कपको क्वार्टरफाइनलमा साउथह्याम्टनसँग २–१ ले पराजित भएको हो । साउथह्यम्पटनलाई घरेलु मैदान सेन्ट मेरिज रंगशालामा जित दिलाउन रोस स्टेवर्ट र शिआ चाल्र्सले समान एक गोल गरे । आर्सनलका भिक्टोर ग्योकेरेसले गोल गरे पनि टोलीको हार टार्न सकेनन् ।
साउथह्याम्पटनले पहिलो र दोस्रो हाफमा समान एक गोल गरेको थियो । खेलको २७औँ मिनेटमा स्टेवर्टले साउथह्याम्पटनलाई अग्रता दिलाए । तर, यो अग्रता साथह्याम्टनले दोस्रो हाफको मध्याह्नमा गुमायो । ६८औँ मिनेटमा आर्सनलका ग्योकेरेजले गोल गर्दै टोलीलाई खेलमा फर्काएका थिए ।
यसपछि, ८५औँ मिनेटमा चाल्र्सले गोल गरेपछि, घरेलु टोलीले क्वार्टरफाइनलको टिकट काटेको हो । जितसँगै साउथह्याम्पटन प्रतियोगिताको सेमिफाइनलमा प्रवेश गरेको छ ।
