काठमाडौं। राष्ट्रपति रामचन्द्र पौडेलसमक्ष नवनियुक्त मन्त्रीहरूले पद तथा गोपनीयताको शपथ ग्रहण गर्नुभएको छ। राष्ट्रपतिको कार्यालय शीतल निवासमा शुक्रबार आयोजित समारोहमा ४ मन्त्रीहरूले पद तथा गोपनीयताको शपथ लिनुभएको हो।
कुमार इङनाम,माधव चौलागाई,राजेन्द्र सिंह भण्डारी र श्रद्धा श्रेष्ठले मन्त्री पदको शपथ लिनुभएको हो। इङनामलाई भूमि व्यवस्था सहकारी तथा गरिवी निवारण ,चौलागाईलाई वन तथा वातावरण,भण्डारीलाई श्रम रोजगार तथा सामाजिक सुरक्षा र श्रेष्ठलाई महिला तथा जेष्ठ नागरिक मन्त्रालयको जिम्मेवारी दिइएको छ।
भण्डारी नेपाल प्रहरीका पूर्व एआईजी हुनुहुन्छ। इङनाम काठमाडौं स्कुल अफ लका प्रोफेसर हुनुहुन्छ भने श्रद्धा पर्यटन बोर्डको कर्मचारी हुनुहुनछ। वन मन्त्री बन्न लागेका चौलागाई पेशाले जनस्वास्थ्यविद् हुनुहुन्छ। नयाँ मन्त्री थपिएसँगै मन्त्रिपरिषद १४ सदस्यीय हुने भएको छ।
