काठमाडौं। नेकपा (एकीकृत समाजवादी)की नेतृ रामकुमारी झाँक्रीले बुधबार बसेरा होटलमा पत्रकार सम्मेलन गरेर पार्टीसँगको अध्याय समाप्त भएको घोषणा गरेकी छन्। उनले अब सयौँ दोकानभन्दा एउटा वस्तुनिष्ठ लोकतान्त्रिक पार्टीको आवश्यकता रहेको बताइन् ।
“अब पार्टी निर्माणको प्रक्रिया पहिलो रहेछ । वामपन्थी, कम्युनिस्ट पार्टी,” उनले भनिन्। उनले माओवादी केन्द्र र एकीकृत समाजवादीबीचको एकताले वामपन्थी आन्दोलन कमजोर हुने पनि बताइन् ।
“यसले वृहत्तर वामपन्थी एकता र प्रगतिशील आन्दोलनलाई कमजोर पार्ने निश्चित छ । त्यहाँ त ओत लाउने काममात्रै कुरा भएको छ । आफ्नो सुरक्षाका लागि सौदाबाजी भइरहेको छ,” उनले भनिन् ।
