काठमाडौं। साताको दोस्रो दिन सोमबार सेयर बजार सूचक नेपाल स्टक एक्सचेञ्ज (नेप्से) ४७.२२ अंकले बढेर २६४७.४४ बिन्दुमा उक्लिएको छ। अघिल्लो कारोबार दिन सोमबार पनि नेप्से ३९.४२ अंकले बढेर २६०० बिन्दुमा पुगेको थियो ।
सोमबार नेप्सेमा कुल ७ अर्ब माथिको कारोबार भएको छ । अघिल्लो दिन आइतबार भने नेप्सेमा ६ अर्ब १९ करोड माथिको कारोबार भएको थियो । आइतबार कारोबारमा आएकामध्ये २१५ कम्पनीको सेयर मूल्य बढ्दा ३७ कम्पनीको घटेको छ । यस्तै, ६ कम्पनीको सेयर मूल्य भने स्थिर छ । सोमबार पाँच कम्पनीको सेयर मूल्य नौ प्रतिशत बढीले वृद्धि हुँदा सबै समूहको सेयर मूल्य बढेको छ ।
