काठमाडौं। संघीय संसदअन्तर्गत आज ५ वटा संसदीय समितिको बैठक बस्दैछन्। संघीय संसद् सचिवालयका अनुसार कानुन, न्याय तथा मानव अधिकार समितिको बैठक दिउँसो १ बजे बस्ने बैठकमा मानव अधिकारसम्बन्धी छैटौँ राष्ट्रिय कार्ययोजना (आ.व. २०८२/८३–२०८६/८७) को मस्यौदाका सन्दर्भमा प्रधानमन्त्री तथा मन्त्रिपरिषद्को कार्यालयसँग छलफल गरिने कार्यसूची छ।
कृषि, सहकारी तथा प्राकृतिक स्रोत समितिको बिहान १० बजे सुरु हुने बैठकमा 'भूमिसम्बन्धी केही नेपाल ऐनलाई संशोधन गर्न बनेको विधेयक, २०८२' मा परेका संशोधनहरूमाथि संशोधनकर्तासँग छलफल गरिनेछ।
शिक्षा, स्वास्थ्य तथा सूचना प्रविधि समितिको बैठकमा 'मिडिया काउन्सिल विधेयक, २०८०' का विषयमा सरोकारवालासँग अन्तक्र्रिया गरिने कार्यक्रम तय गरिएको छ। सार्वजनिक लेखा समितिको बिहान ११ बजे बस्ने ४७औँ बैठकमा अर्थमन्त्री विष्णु पौडेलको उपस्थितिमा नेपाल सरकारका सबै सचिवहरूसँग छलफल गरिनेछ।
त्यस्तै विधायन व्यवस्थापन समितिको बिहान ११ः३० बजे बस्ने ९९औँ बैठकमा 'जलस्रोत विधेयक, २०८१' माथि दफावार छलफल गरिने कार्यसूची रहेको छ।
