काठमाडौं । अमेरिकाबाट निष्कासित नेपालीहरूलाई लिएर अमेरिकी विमान नेपाल आइपुगेको छ । नेपालीहरू ल्याएर आएको अमेरिकी जीआरपी-२३ चार्टर्ड विमान बुधबार बिहान त्रिभुवन अन्तर्राष्ट्रिय विमानस्थलमा अवतरण गरेको हो ।
अमेरिकामा अवैध रूपमा बसिरहेका नेपाली आप्रवासीहरूलाई अमेरिकाले विमान चार्टर्ड गरेर नेपाल फिर्ता पठाएको हो । नेपाल फर्काइएकामा सुष्मा घर्ती, लक्ष्मण कालेल, सुकमार पुनमगर, हिमाल विक, मोहन गौतम, टोपबहादुर घर्ती, कमल प्रकाश ओली र तीर्थ बहादुर थापा रहेका छन् ।
अमेरिकी पूर्वराष्ट्रपति डोनाल्ड ट्रम्पको कार्यकालदेखि नै अवैधानिक आप्रवासीविरुद्ध कडा नीति अपनाइँदै आएको थियो, जसलाई हालसम्म निरन्तरता दिइएको छ । नेपाल मात्र नभई, अमेरिका अन्य विभिन्न देशका अवैधानिक आप्रवासीहरूलाई समेत उनीहरूको मूल देश फर्काइरहेको छ ।
