काठमाडौं । लगातार चार दिनदेखि बढिरहेको सुनको मूल्य बुधबार घटेको नेपाल सुनचाँदी व्यवसायी महासङ्घले जनाएको छ। महासङ्घकाअनुसार आज छापावाल सुनको मूल्य तोलामा ६ सय रुपैयाँले घटेर १ लाख ७९ हजार १ सयमा कारोबार भइरहेको छ ।
यसअघि मङ्गलबार सुन तोलामा १ लाख ७९ हजार ७ सय रुपैयाँमा कारोबार हुँदै अहिलेसम्मकै उच्च मूल्यको रेकर्ड बनाएको थियो ।यस्तै, आज चाँदीको मूल्य पनि घटेको छ । तोलामा १५ रुपैयाँले घटेर २ हजार २० रुपैयाँमा कारोबार भइरहेको महासङ्घले जनाएको छ ।
