काठमाडौं। कम्युनिष्ट नेता प्रदीप नेपालको ७१ वर्षको उमेरमा थापाथलीस्थित नर्भिक अस्पतालमा उपचारका क्रममा मंगलबार दिउँसो निधन भएको छ । अस्पतालको सघन उपचार कक्ष (आईसीयू)मा उपचाररत नेपालको केही समयअघि निधन भएको उपचारमा संलग्न चिकित्सकले बताएका छन्।
उहाँ केही दिनदेखि अस्पताल भर्ना भए पनि सोमबार आईसीयूमा सारिएको थियो । उहाँ लामो समयदेखि पार्किन्सन्स रोगबाट ग्रसित हुनुहुन्थ्यो। पछिल्लो समय पार्किन्सन्ससँगै निमोनिया पनि देखिएको थियो ।
