काठमाडौं । प्रधानमन्त्री सुशीला कार्की आइतबार (चैत १) दिउँसो भक्तपुरको गुन्डु पुगेकी छन् । पूर्वप्रधानमन्त्री एवं नेकपा (एमाले)का अध्यक्ष केपी शर्मा ओलीका पिता मोहनप्रसादप्रति श्रद्धाञ्जली अर्पण गर्न उनी त्यहाँ गएकी हुन् ।
प्रधानमन्त्री कार्कीका पति दुर्गा सुवेदी पनि साथमै छन् । गएको शुक्रबार (फागुन २९) ओलीका पिताको निधन भएको थियो । सोही दिन काठमाडौंको पशुपति आर्यघाटमा मोहनप्रसादको अन्त्येष्टि गरिएको थियो ।
प्रधानमन्त्री कार्कीले मोहनप्रसादको तस्बिरमा फूल चढाएर उनीप्रति श्रद्धाञ्जली व्यक्त गरिन् ।
