काठमाडौं। नेपाल प्रहरीले सोमबार बिहान ९ बजे दिएको सुचना अनुसार केही दिनदेखिको अविरल वर्षा र त्यसपछि आएको बाढी र पहिरोका कारण देशका विभिन्न ६ वटा राजमार्ग पूर्णरुपमा अवरुद्ध भएका छन् ।
प्रहरीको तथ्यांक अनुसार संखुवासभास्थित कोशी राजमार्ग, पाँचथरस्थित मेची राजमार्ग र तमोर–कोरिडोर सडक खण्ड पूर्णरुपमा अवरुद्ध रहेको छ । त्यस्तै, गण्डकी प्रदेशमा नवलपरासी पूर्वको कालिगण्डकी करिडोरमा मा समेत अवरोध सिर्जना भएको छ ।
यसैगरी लुम्बिनी प्रदेश अन्तर्गत रोल्पाको सहिद राजमार्ग र कर्णाली प्रदेशको रुकुम पश्चिमस्थित जाजरकोड डोल्पा भेरी करिडोर सडक खण्ड पूर्णरुपमा अवरुद्ध हुन पुगेको छ । यसबाहेक पाँचवटा सडक खण्ड एकतर्फीरुपमा सञ्चालनमा रहेको प्रहरीले जनाएको छ ।
