काठमाडौं । कालीमाटी फलफूल तथा तरकारी बजारमा गोलभेडाको भाउ बढेको छ। कालीमाटी फलफूल तथा तरकारी बजार विकास समितिले बिहीबारका लागि सार्वजनिक गरेको मूल्यसूची अनुसार भारतीय ठूलो गोलभेडाको भाउ ९० देखि १०० रूपैयाँ प्रतिकिलो छ।
बुधबार यसको मूल्य ८० देखि ९० रूपैयाँ प्रतिकिलोमा कारोबार भएको थियो। त्यस्तै सानो लोकल गोलभेडाको भाउ बिहीबार केही घटेको छ। हिजो ६० देखि ७० रूपैयाँ प्रतिकिलोमा कारोबार भएको सानो लोकल गोलभेडाको भाउ आज ५५ देखि ६५ रूपैयाँ प्रतिकिलो तोकिएको छ।
रातो आलुको भाउ आज पनि स्थिर रही प्रतिकिलो ७५ देखि ८० रूपैपाँ तोकिएको छ। भारतीय रातो आलुको भाउ ६० देखि ६२ रूपैयाँ प्रतिकिलो छ। सुकेको प्याजको भाउ पनि स्थिर रही प्रतिकिलो १२० देखि १२५ तोकिएको छ।
काउलीको भाउ बिहीबार ६० देखि ७० रूपैयाँ प्रतिकिलो छ। बुधबार ८० देखि १०० रूपैयाँ प्रतिकिलोमा कारोबार भएको थियो। बिहीबार काउलीको भाउ किलोमै २० रुपैयाँ घटेको छ।
