काठमाडौं। सञ्चार तथा सूचना प्रविधिमन्त्री जगदीश खरेलले भक्तपुरको गुण्डुस्थित ओली निवास पुगेर नेकपा एमालेका अध्यक्ष केपी शर्मा ओलीसँग भेट गर्नुभएको छ। भेटका क्रममा समसामयिक राजनीतिक अवस्थाका साथसाथै फागुन २१ गते तोकिएको निर्वाचनका सन्दर्भमा छलफल भएको सञ्चारमन्त्रीको सचिवालयले जनाएको छ।
सो क्रममा सञ्चारमन्त्रीले ओलीलाई शनिबार तय भएको तीन दलका शीर्ष नेता र प्रधानमन्त्रीबिचको वार्ताका लागि निम्तापनि दिएको बताइएको छ । यसअघि आजै खरेलले कांग्रेस सभापति शेरबहादुर देउवालाई पनि भेट्नुभएको थियो भने ओलीपछि प्रचण्डसँग भेटको कार्यक्रम रहेको छ ।
