पोखरा l प्रभु बैंक लिमिटेड र पोखरा महानगरपालिका–११, रानीपौवास्थित मेडिप्लस हस्पिटल एण्ड ट्रमा सेन्टर प्रा.लि.बीच आफ्ना कर्मचारी र ग्राहकहरूलाई लक्षित गर्दै स्वास्थ्य सेवामा विशेष छुट प्रदान गर्ने सम्झौता सम्पन्न भएको छ।
२०८२ साउन २९ गते आयोजित कार्यक्रममा, मेडिप्लस हस्पिटल एण्ड ट्रमा सेन्टरका अध्यक्ष आनन्द भट्टराई र प्रभु बैंक लिमिटेडका प्रमुख व्यवसाय केन्द्र अधिकृत (NBCO) राजु राना मगरले सम्झौतापत्रमा हस्ताक्षर गरे।
सम्झौता अनुसार, प्रभु बैंकका कर्मचारी तथा ग्राहकहरूले बैंकको डेबिट वा क्रेडिट कार्ड, वा बैंकका अन्य कुनै विद्युतीय माध्यममार्फत बिल भुक्तानी गर्दा मेडिप्लस हस्पिटलमा उपलब्ध विभिन्न सेवामा १० देखि २५ प्रतिशतसम्म छुट पाउनेछन्। यो सुविधा विशेषगरी बैंकका कर्मचारी र ग्राहकलाई अतिरिक्त हेरचाह प्रदान गर्ने उद्देश्यले सुरु गरिएको हो।
रानीपौवामा अवस्थित मेडिप्लस हस्पिटल एण्ड ट्रमा सेन्टरले उच्चस्तरीय स्वास्थ्य सेवा र आधुनिक सुविधा प्रदान गर्दै आएको छ। प्रभु बैंक र मेडिप्लस हस्पिटलबीचको यस साझेदारीले दुवै संस्थासँग सम्बन्धित ग्राहक र कर्मचारीहरू प्रत्यक्ष लाभान्वित हुने विश्वास लिइएको छ।
