काठमाडौं । स्वास्थ्य तथा जनसंख्या मन्त्री प्रदीप पौडेलले चुरोट र रक्सीमा कडा मूल्य वृद्धि गर्न प्रस्ताव गरेका छन्। उनले सरकारले लागू गर्न सक्ने नीतिगत प्रस्तावमा हालको प्रतिखिल्ली १० रुपैयाँ पर्ने चुरोटको मूल्य ३० रुपैयाँ पुर्याउने र हालको मूल्य एक हजार रुपैयाँ रहेको रक्सीको मूल्य तीन हजार रुपैयाँ पुर्याउने सुझाव दिएका छन्।
स्वास्थ्य मन्त्री पौडेलका अनुसार यस प्रस्तावको मुख्य उद्देश्य युवामाझ बढ्दो चुरोट तथा रक्सी सेवन नियन्त्रण गर्नु, दीर्घकालीन स्वास्थ्य समस्याहरू न्यूनीकरण गर्नु र राज्यको राजस्व वृद्धि गर्नु हो। “स्वास्थ्यको दृष्टिकोणले हेर्दा यी पदार्थहरू घातक छन्। हामीले नियन्त्रण गर्न सक्ने सबल उपाय भनेको मूल्यको माध्यमबाट प्रभाव पार्नु हो,” मन्त्री पौडेलले बताए।
विशेषज्ञहरूका अनुसार यस्ता पदार्थहरूको मूल्य वृद्धिले उपभोक्तामा खपत घटाउने मनोवैज्ञानिक असर पार्छ। मन्त्री पौडेलले यस प्रस्तावलाई आगामी बजेटमा समावेश गर्न अर्थ मन्त्रालयसँग छलफलको तयारी भइरहेको पनि जानकारी दिए।
यसबीचमा सामाजिक सञ्जाल र सर्वसाधारणबीच मन्त्रीको प्रस्तावको चर्को बहस सुरु भइसकेको छ। कतिपयले यो प्रस्तावलाई सकारात्मक परिवर्तनको रूपमा लिएका छन् l
