काठमाडौं । अमेरिकी राष्ट्रपति डोनाल्ड ट्रम्पले शुक्रबार भारतमाथि लगाएको अतिरिक्त २५ प्रतिशत ट्यारिफ हटाएको घोषणा गरेका छन् । यो कदम हालै ट्रम्पले घोषणा गरेको दुई देशबीचको व्यापार सम्झौतालाई कार्यान्वयन गर्नका लागि उठाइएको हो ।
ट्रम्पले एक कार्यकारी आदेशमा हस्ताक्षर गर्दै भारतले रुसबाट प्रत्यक्ष तथा अप्रत्यक्ष रूपमा तेल आयात रोक्ने बताएका छन् । ट्रम्पले शुक्रबार हस्ताक्षर गरेको कार्यकारी आदेशमा रुसबाट प्रत्यक्ष तथा अप्रत्यक्ष रूपमा तेल खरिद रोक्ने वाचा गरेको उल्लेख छ ।
साथै भारतले अमेरिकाबाट तेल खरिद गर्ने र आगामी १० वर्षका लागि अमेरिकासँग रक्षा सहयोग बढाउने रूपरेखामा पनि सहमति दिएको छ । ह्वाइट हाउसले जारी गरेको कार्यकारी आदेशअनुसार भारतले आगामी १० वर्षमा रक्षा सहयोग बढाउन अमेरिकासँग एक रूपरेखामा सहमति जनाएको छ ।
यसमा उक्त आदेश ७ फेब्रुअरी ०२६ मा भारतीय समयअनुसार बिहान १०ः३० बजेदेखि लागु हुने र त्यसपछि भारतबाट अमेरिकामा आयात हुने उत्पादनहरूमाथि २५ प्रतिशत अतिरिक्त ट्यारिफ लागु नहुने उल्लेख छ ।
