काठमाडौं। सोमबार सेयर बजार परिसूचक नेप्से ४.१८ अंकले घटेर २८३३.६० विन्दुमा बन्द भएको छ। नेप्सेसँगै कारोबार रकम पनि अघिल्लो दिनको तुलनामा घटेको छ।
शुक्रबार आठ अर्ब ९९ करोड रूपैयाँको कारोबार भएकोमा यसदिन आठ अर्ब ६६ करोड रूपैयाँको कारोबार भएको छ। यसदिन ३४२ वटा धितोपत्रको दुई करोड एक लाख ६३ हजार ७९३ कित्ता सेयर किनबेच भएको हो। सोमबार १०५ कम्पनीको सेयर मूल्य बढेको छ भने १५३ वटाको घटेको छ। यस्तै, १२ कम्पनी स्थिर छन्।
यसदिन ६ कम्पनीमा सकारात्मक सर्किट लागेको छ। सुपर खुदी हाइड्रोपावर, सूर्यकुन्ड हाइड्रो, होटल फरेस्ट इन र पाल्पा सिमेन्टको मूल्य १० प्रतिशत, रिज लाइफ इनर्जी र शिखर पावरको सेयर मूल्य ९.९९ प्रतिशतका दरले बढेको छ। सर्वाधिक मूल्य घट्नेमा युनिक नेपाल लघुवित्त रहेको छ। उक्त कम्पनीको मूल्य ३.६० प्रतिशतले घटेर प्रति कित्ता मूल्य एक हजार ५५२ रूपैयाँमा झरेको छ।
यसैगरी, अभियान लघुवित्तको मूल्य २.९७ प्रतिशतले घटेर प्रति कित्ता मूल्य एक हजार १६३ रूपैयाँ १० पैसामा सीमित भएको छ। सोमबार नेसनल हाइड्रोपावको सर्वाधिक कारोबार भएको छ। उक्त कम्पनीको ३३१ रूपैयाँ २० पैसामा ९३ करोड १९ लाख रूपैयाँको कारोबार भएको छ। यो मूल्य अघिल्लो दिनको तुलनामा ६.६७ प्रतिशत बढेको हो। सर्वाधिक सेयर खरिद–बिक्री हुने दोस्रो सूचीमा रिडी पावर रहेको छ। उक्त कम्पनीको ३७९ रूपैयाँ ५० पैसामा ४९ करोड १९ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये ६ समूहको परिसूचक बढेको छ भने बाँकी सात समूहको परिसूचक घटेको छ। यसमध्ये होटल्स समूहको परिसूचक सर्वाधिक १.०२ प्रतिशतले बढेको छ।
