चितवन। भरतपुर महानगरपालिका–२२ का २५ वर्षीय लोकेश महतोको गएराति इच्छाकामना गाउँपालिका–७ दाहाखानीस्थित दाहाखानी भ्यू रिसोर्टको स्विमिङ पुलमा डुबेर मृत्यु भएको छ। साथीसँग पौडी खेल्न गएका उनी डुबेको भेटेपछि ८ जना साथीलाई प्रहरीले नियन्त्रणमा लिएको छ।
प्रहरीले भरतपुर महानगरपालिका–२२ का सिमन थापा, प्रवीण घिमिरे, ५७ वर्षीय मेघलाल चुडाल, दिपेश महतो, शुबु खत्री र महानगरपालिका–१३ का आदेश सुवेदी, १४ का आशिष शर्मा र लमजुङ सुन्दरबजारका नारायण बस्नेतलाई हिरासतमा लिएर अनुसन्धान थालेको जनाएको छ।
