काठमाडौं । प्रतिनिधिसभाबाट चार अध्यादेश स्वीकृत भएको छ । शुक्रबार (असार ५) बसेको प्रतिनिधिसभा बैठकबाट सार्वजनिक खरिद (दोस्रो संशोधन) अध्यादेश, सम्पत्ति शुद्धीकरण (मनि लाउन्डरिङ) अध्यादेश, सहकारी (पहिलो संशोधन) अध्यादेश र स्वास्थ्य विज्ञान प्रतिष्ठानसम्बन्धी केही नेपाल ऐनलाई संशोधन गर्ने अध्यादेश स्वीकृत गरिएको हो ।
यी अध्यादेश अस्वीकार गरियोस् भन्ने प्रस्ताव अस्वीकृत भए । सम्बन्धित मन्त्रीले जवाफ दिएपछि सभामुख डोलप्रसाद (डीपी) अर्यालले अध्यादेश निणयार्थ प्रस्तुत गरेका थिए ।
गएको वैशाखमा बोलाइसकेको संसद् अधिवेशन रोकेर सरकारले यी अध्यादेश ल्याएको थियो । पछि संसद् अधिवेशन सुरु भएको पहिलो दिन (वैशाख २८) अध्यादेश प्रतिनिधिसभा पेस गरिएको थियो ।
