काठमाडौं। अमेरिकाको लस एन्जलसको जङ्गलमा लागेको आगो तीव्र रुपमा फैलिरहेको बताइएको छ ।आगोका कारण १० हजार भन्दा बढी मानिस घर छोड्न बाध्य भएका छन् भने ७ जनाले ज्यान गुमाएका छन् ।
आगजनी पूर्वानुमानकर्ताहरूले शुक्रवारदेखि आगो अझै तीव्र गतिमा फैलिएर थप क्षति गर्न सक्ने भन्दै सावधानी अपनाउन चेतावनी दिएका छन् । आगलागीबाट सयैं घरहरु जलेर खरानी भएका छन् । लस एन्जलस जलिरहँदा ६८ खर्ब बढीको आर्थिक क्षति भएको छ भने २० हजार बढी भवन प्रभावित भएका छन् ।
प्यासिफिक प्यालिसेड्समा १७,००० एकर (६,९००हेक्टर)मा फैलिएको आगलागी लस एन्जलसको इतिहासमा सबैभन्दा विनाशकारी प्राकृतिक प्रकोप मध्ये एक भएको छ ।
