काठमाडौं । भक्तपुरको बोडेस्थित सुकुम्वासी होल्डिङ सेन्टरमा एकजना मृत फेला परेका छन् । ५७ वर्षीय हिरालाल पासवान होल्डिङ सेन्टरमा झुण्डिएको अवस्थामा मृत फेला परेका जिल्ला प्रहरी परिसर भक्तपुरका डीएसपी तथा प्रवक्ता दीपककुमार कार्कीले जानकारी दिए । प्रहरीले घटनास्थल मुचुल्का उठाएर शव पोस्टमार्टमका लागि पठाउने तयारी गरेको छ ।
उनी थापाथलीस्थित सुकुम्वासी बस्तीमा बस्दै आएका थिए । सरकारले त्यहाँका टहरा भत्काएपछि उनी पछिल्लो समय होल्डिङ सेन्टरमा बस्दै आएका थिए । परिवारसहित बस्दै आएका उनी श्रीमती छोरा बुहारी, नातिनातिनीसंगै बस्दै आएका थिए ।
