काठमाडौं । साताको अन्तिम कारोबार दिन शुक्रबार नेपाल स्टक एक्सचेन्ज (नेप्से) झिनो अंकले बढेको छ । यस दिन बजा १.५४ अंकले बढेर नेप्से परिसूचक २७८८.७० विन्दु कायम भएको छ । अघिल्लो दिन १७.०१ अंकले घटेको थियो । यो साताका बाँकी सबै दिन बजार निरन्तर घटेको हो । समग्रमा यो साता बजार ४९.७ अंकले घटेको नेप्सेले जनाएको छ । गत साताको अन्तिम कारोबार दिन नेप्से २८३८.४० विन्दुमा थियो ।
कारोबार रकम पनि सामान्य बढेको छ । हिजो पाँच अर्ब नौ करोडको कारोबार भएकामा आज पाँच अर्ब २७ करोड पुगेको छ । नेप्सेका अनुसार, आज १६८ कम्पनीको सेयर मूल्य घट्दा ८७ वटाको बढेको छ ।
तीन कम्पनी पाल्पा सिमेन्ट, शिखर पावर र माईखोला हाइड्रोको सेयर मूल्यमा सकारात्मक सकिर्ट (१५ प्रतिशत) लागेको छ ।
