काठमाडौं। आइतबार सेयर बजार परिसूचक (नेप्से) २१ अंकले घटेको छ । २६३२ बिन्दुबाट सुरु भएको बजार आजको उच्च अंक २६४२ बिन्दुसम्म उक्लिएर २६०९.५८ बिन्दुमा आएर बन्द भएको हो।
आज ३१६ कम्पनीको १ करोड १० लाख ९९ हजार कित्ता सेयर खरिदबिक्री भएको छ । जसमा कुल ५ अर्ब ४७ करोड ४८ लाख मूल्यको कारोबार भयो। आइतबार ६९ कम्पनीको मूल्य बढेको छ । जसमा माहुली लघुवित्त र आत्मनिर्भर लघुवित्तको सेयर मूल्यमा सकारात्मक सर्किट लाग्यो । बाँकी कम्पनीको मूल्य सामान्य रूपमा बढेको छ ।
१७२ कम्पनीको मूल्य घट्यो । जसमध्ये सपोर्ट माइक्रोफाइनान्स, नारायणी विकास बैंक, सप्तकोशी विकास बैंक, जानकी फाइनान्स लिमिटेड र सिन्धु विकास बैंकको मूल्यमा नकारात्मक सर्किट लाग्यो । आज सबैभन्दा धेरै फाइनान्स उपसमूहका कम्पनीको मूल्य घटेको छ । समग्रमा यो उपसमूहको सूचक ४।४७ प्रतिशतले ओरालो लाग्यो । विकास बैंक उपसमूहको सूचक २।६५ प्रतिशतले झरेको छ । लघुवित्त उपसमूहको सूचक भने १।१२ प्रतिशतले बढ्यो ।
