काठमाडौं । नेपाल निजामती कर्मचारी संगठन ललितपुरको १२ औँ जिल्ला अधिवेशन आगामी शुक्रबार हुनेभएको छ । स्थानीय विकास प्रशिक्षण प्रतिष्ठानको हलमा आगामी शुक्रबार दिउँसो एकबजे अधिवेशनको सुरुवात् हुने भएको हो ।
संगठनलाई थप सशक्त बनाउने र कर्मचारीहरूको हक अधिकार स्थापित गर्ने उद्देश्य सहित १२ औँ अधिवेशन गर्न लागिएको जिल्ला अध्यक्ष टेकराज आचार्यले जानकारी दिएका छन् । अधिवेशनमा विभिन्न तह र तप्काका नेताहरु भेला गरेर नयाँ कार्यसमिति चयन गर्ने आयोजकले जनाएको छ । साथै कर्मचारीको हकहितका एजेण्डामा पनि घनीभूत छलफल हुने बताइएको छ ।
